Solomona Thufing.
" Fapa fingin pa lâwmna a siam a,
Fapa â erawh chu nu rihna a ni.....
Buh seng laia inchhêk khâwl chu fapa fing a ni a,
A seng hun laia muhîl erawh chu fapa,
mualphona thlen ṭhintu a ni."
" Fapa fingin pa lâwmna a siam a,
Fapa â erawh chu nu rihna a ni.....
Buh seng laia inchhêk khâwl chu fapa fing a ni a,
A seng hun laia muhîl erawh chu fapa,
mualphona thlen ṭhintu a ni."
Hemi Bible chang pahnih te mai hian ka rilru a van khawih tak êm. Vawiin ka class chu, attendance pe tur in ka kal a, darkar chânve dawn laiin ka tlai nghê nghê a, kan madam room ka thlen ṭep in ka ṭhiante ka tawk a, an ni chuan, "Keini pawh kan tlai a, attendance dah a phal tawh lo" an lo ti a, mahse zam map lovin ka mobile a sana chu darkar chanve velin ka ti tlai lui a, room-ah chuan ka lut ta tho a. Rin lawk ang ngeiin attendance sign alo phal lo ngei a, mahse ka sana te kan hmuh a, traffic ah ka rawn tang a, te kan tih ngial hnu chuan lungawi lo zet leh naktuk aṭang chuan i tlai tawh lovang tih min tiam rawh ti chungin ka sign ta hram a....
Mahse a thusawi dang leh chuan min ti hnual kher mai. " I attendance hi 50% chiah a ni a, end term exam thei tur chuan University lamin 60% chin lo chu a phal si lova engtin nge maw an tih dawn che ni?" tiin min hrilh a, kan madam thusawi chuan min dek kher mai. Rilru nuam lo deuh chuan room chu ka chhuah san ta a. Kan department (B.A.LLB.) bik ah hian Mizo keimah chiah (?) ka awm in ka in hria a, North east mi pawh tumah an awm ka hre lo, ka senior te zingah pawh ka la hmu lo, ka hriat loh chuan an awm mahna. Chutih lai a karah chuan tumah han biak rawn tur leh engtin nge ka tih ang ti a han zawh mai tur ka hre bawk si lo, ka rilru a hah tak zet a ni. Mi sawi ka hriat dan in "system thar an siam tawh a, end term-ah an detain chuan next semester ah pawh an detain tel a,a thar a admission tih leh a ngai ang" tih chu a ni tawp mai. Rilru a van buai duh tehreng em!!!
College aṭangin lunghnûr zet in hostel lam ka pan a, ka chhungte ka hrilh ngam bawk si lo. Rilru pressure a nâ hle mai, suicide thleng in ka ngaihtuah hman hial asin. Tak tak alawm, rilru hah vanga mahni nunna la ta ho te hi ka dêm ta miah lo. Mahse ka rilruah ṭawngṭai leh Pathian hnena thlen chu ala lang chuang miah lo. Keima tuar in ka tuar a, hrehawm ka ti hle mai. Ka room ka luh dawn in ka rilruah ka ṭhiannu ka engkim ka thlenna ṭhin alo lang zawk a, room a lut ta lo chuan ka han call a, a ni bulah chuan ka han hrilh ta a, a theih ang tawk in min lo hnem ve a, ka lo ṭawngṭai pui ang che min ti a. Kan in biak kan tih tawp dawn lam pang chuan he thu hi min hrilh ta a, " Phaiah te i awm a,i nun a loose a, i inkhawm ngai lova, Pathian i hre lova, i ṭawngṭai khât lutuk a nih kha" min ti a, a dik ka ti hle mai....
Lunghnur zet chuan room lamah ka lut ta a, ka rilruah chuan ṭawngṭai chu a rawn lang ve ṭan a, ka room-mate a awm bawk si a, a ri chuan ka ṭawngṭai ngam mai lo. Khum a bawh pah chuan thu tlem te sawiin ka ṭawngṭai ve ta a. Ka rilru chu ala nuam chuang hauh lo. Ka hriat loh laiin ka lo muhil a, ka han harh chuan zan dar 7:00 p.m. alo ri der tawh a, lehkha zir tur in ka tho chhuak a, ka lehkha zir hma chuan Bible chhiar ve hrim hrim ka rilru ah alo lang a, ka Bible, ka study table mawngkil a awm tawh chu ka han la chhuak a, ka han phêk phawk a, Bible chang ka han tarlan tak khi ka phek chhuak nawlh mai a, mak ka ti rilru ang reng hle mai. Fapa â, buh seng laia muhil chu ka lo ni tih ka in hmu chhuak hnu hnawh a, hnuk ûlh ṭeuh chung chuan ka han chhiar a, ka chhiar nawn leh ṭhin a, keima nihna chiah chiah a ni tih chu ka in hmu chiang kher mai. Lalpa ka hlat apiang hian buaina hian min tlak buak a, ka hmaah harsatna pal tlang tur hi a awm ve ziah tih te ka hre chhuak chiang kher mai...
Eng pawh ni se, ka nih nih ka ni tawh a, huaisen tak leh Pathian râwn chung zel in ka kal tawh ang tiin ka in tiam thar leh a, naktuk khawvar eng hi hmachhawn hreh hle mah ila ka hmachhawn tho tho chu a ngai si a. Pathian in ka chungah engtin nge ro a rel dawn chu ka hre lo mahse Lalpa engpawh ka chungah thleng se ka vui lovang a, hnung tawlh lovin hmalam ka pan zel zawk tawh ang. Exam phal lo mahse nakumah ka bei ṭha leh tho ang mahse ka chhungte hrilh chu ka huphurh khawp mai, tun thleng pawn ka la hrilh lo, ka hrilh hun chuan ka nu rilru nat dan tur hi ka ngaihtuah ngam lo. Lalpa min awmpui la, naktuk khawvar ka hmuh theih nan min awm pui la, a bak chu nangmah rawn chung in huai takin ka pal tlang ang e.
KA HMA BAK A RORELNA KHIRH TAK HMACHHAWN NGAM TUR IN CHAKNA THAR KA NEI TA E, LALPA KA LAWM E.... 06 Dec. 2011 12:04 a.m (Tuesday)
Mahse a thusawi dang leh chuan min ti hnual kher mai. " I attendance hi 50% chiah a ni a, end term exam thei tur chuan University lamin 60% chin lo chu a phal si lova engtin nge maw an tih dawn che ni?" tiin min hrilh a, kan madam thusawi chuan min dek kher mai. Rilru nuam lo deuh chuan room chu ka chhuah san ta a. Kan department (B.A.LLB.) bik ah hian Mizo keimah chiah (?) ka awm in ka in hria a, North east mi pawh tumah an awm ka hre lo, ka senior te zingah pawh ka la hmu lo, ka hriat loh chuan an awm mahna. Chutih lai a karah chuan tumah han biak rawn tur leh engtin nge ka tih ang ti a han zawh mai tur ka hre bawk si lo, ka rilru a hah tak zet a ni. Mi sawi ka hriat dan in "system thar an siam tawh a, end term-ah an detain chuan next semester ah pawh an detain tel a,a thar a admission tih leh a ngai ang" tih chu a ni tawp mai. Rilru a van buai duh tehreng em!!!
College aṭangin lunghnûr zet in hostel lam ka pan a, ka chhungte ka hrilh ngam bawk si lo. Rilru pressure a nâ hle mai, suicide thleng in ka ngaihtuah hman hial asin. Tak tak alawm, rilru hah vanga mahni nunna la ta ho te hi ka dêm ta miah lo. Mahse ka rilruah ṭawngṭai leh Pathian hnena thlen chu ala lang chuang miah lo. Keima tuar in ka tuar a, hrehawm ka ti hle mai. Ka room ka luh dawn in ka rilruah ka ṭhiannu ka engkim ka thlenna ṭhin alo lang zawk a, room a lut ta lo chuan ka han call a, a ni bulah chuan ka han hrilh ta a, a theih ang tawk in min lo hnem ve a, ka lo ṭawngṭai pui ang che min ti a. Kan in biak kan tih tawp dawn lam pang chuan he thu hi min hrilh ta a, " Phaiah te i awm a,i nun a loose a, i inkhawm ngai lova, Pathian i hre lova, i ṭawngṭai khât lutuk a nih kha" min ti a, a dik ka ti hle mai....
Lunghnur zet chuan room lamah ka lut ta a, ka rilruah chuan ṭawngṭai chu a rawn lang ve ṭan a, ka room-mate a awm bawk si a, a ri chuan ka ṭawngṭai ngam mai lo. Khum a bawh pah chuan thu tlem te sawiin ka ṭawngṭai ve ta a. Ka rilru chu ala nuam chuang hauh lo. Ka hriat loh laiin ka lo muhil a, ka han harh chuan zan dar 7:00 p.m. alo ri der tawh a, lehkha zir tur in ka tho chhuak a, ka lehkha zir hma chuan Bible chhiar ve hrim hrim ka rilru ah alo lang a, ka Bible, ka study table mawngkil a awm tawh chu ka han la chhuak a, ka han phêk phawk a, Bible chang ka han tarlan tak khi ka phek chhuak nawlh mai a, mak ka ti rilru ang reng hle mai. Fapa â, buh seng laia muhil chu ka lo ni tih ka in hmu chhuak hnu hnawh a, hnuk ûlh ṭeuh chung chuan ka han chhiar a, ka chhiar nawn leh ṭhin a, keima nihna chiah chiah a ni tih chu ka in hmu chiang kher mai. Lalpa ka hlat apiang hian buaina hian min tlak buak a, ka hmaah harsatna pal tlang tur hi a awm ve ziah tih te ka hre chhuak chiang kher mai...
Eng pawh ni se, ka nih nih ka ni tawh a, huaisen tak leh Pathian râwn chung zel in ka kal tawh ang tiin ka in tiam thar leh a, naktuk khawvar eng hi hmachhawn hreh hle mah ila ka hmachhawn tho tho chu a ngai si a. Pathian in ka chungah engtin nge ro a rel dawn chu ka hre lo mahse Lalpa engpawh ka chungah thleng se ka vui lovang a, hnung tawlh lovin hmalam ka pan zel zawk tawh ang. Exam phal lo mahse nakumah ka bei ṭha leh tho ang mahse ka chhungte hrilh chu ka huphurh khawp mai, tun thleng pawn ka la hrilh lo, ka hrilh hun chuan ka nu rilru nat dan tur hi ka ngaihtuah ngam lo. Lalpa min awmpui la, naktuk khawvar ka hmuh theih nan min awm pui la, a bak chu nangmah rawn chung in huai takin ka pal tlang ang e.
KA HMA BAK A RORELNA KHIRH TAK HMACHHAWN NGAM TUR IN CHAKNA THAR KA NEI TA E, LALPA KA LAWM E.... 06 Dec. 2011 12:04 a.m (Tuesday)
 |
| Without LORD..i'm nothing..just a depressed-man!!! |
No comments:
Post a Comment